अंग्रेजी अखबार ‘द ट्रिब्यून’का अनुसार सोनीपत जिल्लास्थित नेशनल हाईवे– १ मा सोमबार बिहान केही सवारी साधन रोकर महिलालाई बाहिर निकाली खेतमा लागेर सामूहिक बलात्कार गरिएको थियो ।
पंजाब र हरियाणा हाईकोर्टको न्यायाधीशले चीफ जस्टिसलाई पत्र लेखेर अखबारमा छापिएको खबरका विषयमा कारबाही अगाडि बढाउन निर्देशन दिएका छन् ।
हरियाणा पुलिसले ‘द ट्रिब्यून’को समाचारको खण्डन गरेको छ । पुलिसले हुँदै नभएको घटनालाई पत्रिकाले समाचार बनाएको आरोप लगाएको छ ।
प्रहरीले घटना नभएको जनाए पनि ‘द ट्रिब्यून’ले प्रत्यक्षदर्शीलाई उल्लेख गर्दै १० महिलालाई खेतमा लगेर सामूहिक बलात्कार गरिएको जनाएको छ । बलात्कारका दोषी र महिलाहरूका विषयमा केही भनिएको छैन ।
ट्रिब्यूनको रिपोर्टअनुसार बलात्कारको विषय महिलाहरूले पारिवारिक समस्या र आफ्नो सम्मानका लागि प्रहरीमा उजुरी नदिएको उल्लेख छ ।
राष्ट्रिय राजमार्गमा १० महिलासँग खेतमा यसरी भयो बलात्कार
