गत आवमा ट्राफिक नियम विपरीत सवारी चालकबाट सो जरिवाना असुल गरिएको हो । अघिल्लो आवमा रु ५२ लाख २४ हजार राजस्व सङ्कलन भएको थियो । जिल्ला ट्राफिक कार्यालयका प्रमुख प्रहरी निरीक्षक टक्कर स्वाँरले नाकाबन्दीका कारण यस वर्ष राजस्व असुलीमा गिरावट आएको बताउनुभयो ।
ट्राफिक नियमको पालना नगर्ने, सवारी चालक अनुमतिपत्र बिना सवारी चलाउनेलगायतका कारणले विभिन्न सवारीसाधनमाथि कारबाही गरिएको उहाँको भनाइ छ । गत आवमा ३५६ वटा बस, ९६७ ट्रक, एक हजार २४६ जिप-कार, दुई हजार ४०६ ट्याक्टर, सात हजार ४२४ मोटरसाइकल र अन्य ४२ वटा गरी कुल १२ हजार ४४१ वटा सवारीसाधनमाथि कारबाही गरिएको ट्राफिक प्रमुख स्वाँरले जानकारी दिनुभयो ।
ट्राफिक नियमको पालना गरे दुर्घटना पनि कम हुने बताउँदै उहाँले त्यसतर्फ सवारीचालक र सवारी धनी सजग हुनुपर्नेमा जोड दिनुभयो । गत आवमा कञ्चनपुरमा सवारी दुर्घटनामा परी २३ जनाले ज्यान गुमाएका जिल्ला ट्राफिक कार्यालयले जनाएको छ ।
ट्राफिक कारबाहीबाट झण्डै चालीस लाख राजस्व
