जनकपुरमा शुक्रबार आयोजित कार्यक्रममा यादवले मधेसी मोर्चा र संघीय गठबन्धनले उठाउँदै आएका माग पूरा नभए प्रचण्डको हालत पनि केपी ओलीकै जस्तै बनाइदिने धम्की दिए ।
ओलीमा अति नै नश्लवादी सोच हाबी भएकाले बालुवाटारबाट हट्नुपरेको र प्रचण्डले त्यसबाट पाठ सिक्नुपर्ने उनको भनाइ थियो ।
‘यदि हाम्रा माग पुरा भएननन भने प्रचण्डको विकप्ल खोज्छौ, ‘यादवले भने, बालुवाटारबाट कसरी निकाल्नुपर्छ हामीलाई थाहा छ ।’
यादवले काँग्रेस–माओवादी गठबन्धनसँग भएको तीन बुँदे सहमतिका आधारमा समस्या समाधान नभए संविधान खारेजीको मागसअघि निर्णायक आन्दोलनमा उत्रन बाध्य हुने चेतावनी दिए ।
यादवले वर्तमान सत्ता गठबन्धनसँग संविधान संशोधनका लागि आवश्यक दुई तिहाई नभएको तथ्यसँग आफूहरु सहमत रहेको भन्दै कम्तिमा पनि सरकारले विभेदकारी धारा संशोधनका लागि संसदमा प्रस्ताव मात्र ल्याइदिए हुने बताए ।
फरक प्रसंगमा यादवले विभेदपूर्ण तरिकाले पछाडि पारिएका मधेसी, थारु, मुस्लिम र जनजातिका माग समयमै सम्बोधन नभए नेपाल जातीय युद्धमा जाने समेत उल्लेख गरे ।
एक सातामै आयो प्रचण्डलाई ओलीलाई जसरी नै बालुवाटारबाट हटाउने धम्की -
